XX. mendeko Euskararen Corpus estatistikoa

Testuingurua

Ikuspegi gozo; landa
laiñotan dago zearo.
Artaldeak baserrira
joanak dira astiro.

Abots bako ikuspegia
da, itun ta ameslari,
bere kezko lertxunakaz,
ibar lanbrotsu ta guzti.

Antxiñako bidez noa,
bide ostro ta bedarrez,
betea, zapalbako, gauz
zar ezbaikoen usaiñez.

Ikuspegi estalia,
laiñoz, miñez, tamalez aul:
ortze arre, zugaitz igar,
ur geldi, eztarri mintzul.

Lokartutako ibarreko
lertxun zurien gaiñetik,
larrosazko illargi ituna
laiño-artean igorik.